Эх ангийн багш

2010 ОНЫ ШИЛДЭГ ИЛТГЭЛҮҮДЭЭС ЦУВРАЛ МЭДЭЭЛЭЛ

2010 оны шилдэг илтгэлүүдээс цуврал байдлаар нийтэлж байгаа билээ. Энэ удаад Хэрлэн сумын 1-р цэцэрлэгийн багш Д.Алтанцэцэг, арга зүйч Л.Цогоо нарын “3-6 настай хүүхдийг Монтессорын сургалтын хэрэглэгдэхүүнээр дамжуулан хөгжүүлэх боломж”, 1-р сургуулийн математик, мэдээлэл зүйн багш Н.Дэлгэрмаа, Ц.Эрдэнэсувд нарын “Хүүхдийн хөгжил, төлөвшилд АУБ-ийн болон олон нийтийн оролцооны байгууллагын үүргийг дээшлүүлэх арга зам”, Дашбалбар сумын сургуулийн бага ангийн багш Д.Дэлгэрмаагийн “Хүмүүжил төлөвшлийн ажлаар хүүхдийг хөгжүүлж төлөвшүүлэх нь”, Хан-Уул цогцолбор сургуулийн 3-р ангийн секцийн О.Батцэцэг, Д.Баярхүү, Д.Баярнаа нарын “Бага ангийн хүүхдийн төлөвшилд багшийн үүрэг нөлөө” илтгэлүүдийг уншиж сонирхоорой. 1-р цэцэрлэг Д.Алтанцэцэг 1-р сургууль Н.Дэлгэрмаа  , Дашбалбар Д.Дэлгэрмаа, Хан-Уул О.Батцэцэг

"2010 ОНЫ ШИЛДЭГ ИЛТГЭЛҮҮД" ЦУВРАЛ МЭДЭЭЛЭЛ

2010 оны шилдэг 10 илтгэлүүдээс цуврал байдлаар та бүхэнд мэдээлж байгаа билээ. Энэ удаад "Шинэ зуун" сургуулийн багш нарын хамтарсан  “Дугуйланг тогтмол хичээллүүлснээр хүүхдийн хөгжил төлөвшилд нөлөөлөх нь” илтгэл, 12 дугаар сургуулийн бага ангийн багш О.Мөнхгэрэлийн “Суралцагчдын хөгжил, төлөвшлийг хангахад хичээлээс гадуурх ажил дэмжлэг болох нь” илтгэл, 8 дугаар сургуулийн нийгмийн ухааны багш Х.Алтанцэцэгийн “Хүүхдийн хамтран суралцах үйлээр анги удирдсан багш, хүүхдийн төлөвшилд нөлөөлөх боломжийг судалсан нь” илтгэлүүдийг толилуулж байна. Та сонирхон уншаад сэтгэгдлээ ирүүлээрэй.Шинэ зуун О.Мөнхгэрэл, Х.Алтанцэцэг

Мэндчилгээ

Зорилго: Сургалтын хөтөлбөрийн хэрэгжилтийн явц, суралцагчдын танхимаар эзэмшсэн мэдлэгээ хэрэглээ, дадал, хэвшил болгож буйд дүгнэлт хийх, тэдний бүтээлч сэтгэлгээг хөгжүүлэх, бүтээлч ажлуудыг   түгээн дэлгэрүүлэхэд оршино.

 Дэлгэрэнгүй»

Улс орон даяар теле хичээлийг 12 дугаар сарын 13-27-ыг хүртэл 14 хоног зохион байгуулагдаж байгаа учраас  "БОЛОВСРОЛ СУВАГ" телевизээр дор дурьдсан хуваарийн дагуу багш, суралцагчдыг хүлээн авч үзэхийг хүсэж байна. Та энд дараад хуваарийг татаарай.

БАГШ НАРЫН БОЛОВСРУУЛСАН ХӨТӨЛБӨРӨӨС...

БСШУ-ны сайдын тушаал, боловсролын салбарт хэрэгжиж буй хөтөлбөр, төслүүдийн хэрэгжилт, стандарт, агуулгын хүрээ, 425, 205, 201-р тушаалаар батлагдсан үндэсний хөтөлбөр, БСГ-аас баталсан нэгж хичээлийн сэдвийн дагуу боловсруулсан нэгж хөтөлбөрийн явцад дүгнэлт өгч ажиллаж байна. Хэрлэн сумын 12 сургууль, Баяндун, Баянтүмэн, Баян-Уул сумын сургуулийн бага боловсролын 190 багшийн сургалтын төлөвлөгөө, нэгж хичээлийн хөтөлбөрийн боловсруулалт, багшийн журнал болон анги удирдсан багшийн дэвтрийн хөтлөлт, багшийн сурган хүмүүжүүлэх судалгаа, мэргэжил боловсролоо дээшлүүлэх үйл ажиллагаа, явцын шалгалт, түүний мөрөөр хийсэн ажил, сургуулийн болон анги танхимын тохижилт зэрэг үзүүлэлтийн дагуу 9 сургалтын менежерийн хамтаар танилцаж, зөвлөн тусаллаа. Ажиллах явцад нэгж хичээлийн хөтөлбөрөө сайн боловсруулсан олон багшийн хөтөлбөртэй танилцлаа. Энэ удаад 1-р сургуулийн багш Н.Нарантөгс, Хан-Уул цогцолбор сургуулийн багш Д.Энхжаргал багш нарын хөтөлбөрийг түгээн дэлгэрүүлж байна. Та энд дараад сонирхоорой. Үргэлжлэл

2010 ОНЫ ШИЛДЭГ ИЛТГЭЛҮҮДЭЭС ТАНИЛЦУУЛЖ БАЙНА.

Багш сурган хүмүүжүүлэгчдийг эрдэм шинжилгээ, судалгааны ажлын арга барилд сургах, хүүхдийг хөгжүүлэх, төлөвшүүлэхэд багш, боловсролын байгууллагын өмнө тулгарч буй асуудлыг шийдвэрлэх, ололттой арга замыг эрэлхийлэх, туршилт судалгааны ажлыг бусдад түгээн дэлгэрүүлэх, нийтийн хүртээл болгох зорилгоор зохион байгуулсан уламжлалт 2010 оны “Шилдэг илтгэл” шалгаруулах уралдааны эхний шагналт байруудыг эзэлсэн Хэрлэн сумын 12-р цэцэрлэгийн арга зүйч МУ-ын “Тэргүүлэх багш” Х.Нарантуяагийн “Багшийн зүгээс хүүхдийн сургуульд бэлтгэгдсэн байдлыг үнэлсэн судалгааны үр дүн” сэдэвт илтгэл, 11-р сургуулийн зураг технологийн багш МУ-ын “Тэргүүлэх багш” Б.Жигжидмаа, монгол хэл, уран зохиолын багш МУ-ын “Заах аргач” Н.Чимгээ нарын “Хүүхдийн хөгжил, төлөвшилд АУБ-ийн үүргийг нэмэгдүүлэх арга зам” сэдэвт илтгэл, 6-р сургуулийн химийн багш МУ-ын “Заах аргач” Б.Нарантуяагийн “Хүүхдийн хөгжил төлөвшилд эрүүл мэндийн багш нөлөөлөх нь” сэдэвт илтгэлийн хураангуйг танилцуулж байна. Та дараах илтгэлүүдийг татаж сонирхоорой.  Х.Нарантуяагийн илтгэлийн хураангүй, Б.Жигжидмаагийн илтгэлийн хураангуй, Б.Нарантуяагийн илтгэлийн хураангуй

2010-2011 оны хичээлийн жилд багшлах эрх авах багш нар сургуульдаа 5 дугаар сарын 15-ны дотор  БСШУ-ны сайдын 2008 оны 74 дүгээр тоот тушаалаар батлагдсан журмын дагуу холбогдох бичиг баримтыг бүрдүүлэн,  хариуцсан мэргэжилтэнд 6 дугаар сарын 1-ний дотор ирүүлнэ үү. Та энд дараад татаарай.

БСШУ-ны сайдын 2010 оны 11 дүгээр сарын 24-ний өдрийн 517 дугаар тоот  "Анги дэвших болон төгсөх шалгалтын агуулга батлах тухай" тушаалыг хүргүүлж байна. Та энд дараад татаж аваарай.

2010 оны 11 сарын 11-ний өдрийн “Арга зүйн зөвлөл”-ийн хурлаар хэлэлцэв.

 "ЦАХИМ СУРГАЛТЫН ХӨТӨЛБӨР”-ИЙН УРАЛДААНЫ УДИРДАМЖ

Зорилго:  ЕБС-ийн сургалтын талаар баримтлах бодлогыг хэрэгжүүлэх, “Нэгж хичээлийн үр өгөөжийг нэмэгдүүлэх” зорилгын хүрээнд  сургалтын хөтөлбөрийг чанаржуулах, багш нарын бүтээлч сэтгэлгээг хөгжүүлэх,   мэдээлэл харилцааны технологийг эзэмшиж, хэрэглээ болгох, бусдад түгээн дэлгэрүүлэхэд оршино.

Хамрах хүрээ: Дорнод аймгийн ЕБС-ийн бага ангийн багш нар

Хичээл, анги: ЕБС-ийн 3 дугаар ангийн “Дүрслэх урлаг-технологи”

Сэдэв: Тэгш ба тэгш бус хэм

Хугацаа: 2011 оны 03 дугаар сарын 5-ны өдөр цаасаар болон электрон хэлбэрээр ирүүлэх

Шалгаруулах үзүүлэлт:

2010-2011 оны хичээлийн жилд туршиж хэрэгжүүлэн, үр дүнг тооцсон  “Цахим” хөтөлбөр байна.  Хөтөлбөрийг  Боловсрол Соёлын Газрын арга зүйн зөвлөл  дүгнэнэ.  Хөтөлбөрийн цагийн багтаамж 4 цаг байна. Үзүүлэлт нь 3 хэсэгтэй. Үүнд:

Нэг:Ерөнхий үндэслэл

1. Хөтөлбөрийн  хэрэгцээ

2.Хөтөлбөрийн хамрах хүрээ

3.Хөтөлбөрийн зорилго, зорилт

4.Хүлээгдэж байгаа үр дүн

5.Агуулга/ мэдлэг, чадвар, хэрэглээ/

6.Хэрэгжүүлсэн арга зүй/ цагийн төлөвлөлт, нэгж хичээлийн үе шат, ээлжит хичээл бүрийн зохион байгуулалт/

7.Суралцагчийн эзэмшсэн мэдлэг, чадварыг илрүүлэх шалгуур үзүүлэлт, даалгавар/ 2-3 хувилбартай/

8.Хэрэглэгдэхүүн/ ТӨМ,  биет хэрэглэгдэхүүнийг бодитоор хавсаргаж болно./

9.Үр дүн

10.Дүгнэлт

Хоёр:Технологи

1.Бүтэц

2.Агууламж

3.Холбоос/ вэб загвар/

4.Загвар дизайн / зураг график, өнгө, сонголт/

5.Үнэлгээний загварчлал/ тест сонголт/

6.Multimedia- программ хангамж ашиглалт / Audio, Video/

Гурав:Илтгэх чадвар

1.Агуулгыг оновчтой илэрхийлэх чадвар

2.Илтгэх чадвар

3.Дэвшүүлж буй шинэ санаа

4.Хөтөлбөрийг туршиж хэрэгжүүлсэн байдал, түүний үр дүн, дүгнэлт

5 Илтгэх хугацаа

Дүгнэх журам: Үзүүлэлт бүрийг 0-5 оноогоор дүгнэнэ. Сургууль бүрээс ирсэн хөтөлбөртэй танилцан, шалгуурын 1,2-р хэсгийн дагуу дүгнэн, дараагийн шатанд 10 хөтөлбөрийг шалгаруулна. Шалгарсан цахим хөтөлбөрийг 3-р хэсгийн шалгуурын дагуу 1 багш төлөөлөн илтгэнэ.  Нэгжийн хөтөлбөрийг Боловсрол, Соёлын Газар  электрон  сан болгож, нийтийн хүртээл болгоно.

Жич: Хугацаа хоцорсон хөтөлбөрийг хүлээн авахгүй.

Лавлах утас: 99588832, 93066080

БАГА БОЛОВСРОЛЫН “ОНЫ ШИЛДЭГ БАГШ” ШАЛГАРУУЛАХ ЖУРАМ

Нэг. Нийтлэг үндэслэл.

1.1 Боловсролын байгууллагад үр бүтээлтэй ажиллаж, бага ангийн хичээлүүдийн стандартын агуулгыг эзэмшүүлэхэд үнэтэй хувь нэмэр оруулан ажиллаж байгаа мэргэжлийн өндөр мэдлэг, ур чадвартай, хүүхдийн хөгжил, тэдний сайн сайхны төлөө буянтай үйл бүтээгчийг тодруулан алдаршуулахад уг журмыг мөрдөнө.

1.2 Аймгийн ерөнхий боловсролын сургуулиудад ажиллаж байгаа бага ангийн мэргэжлийн багш нар хамрагдана.

Хоёр. Нэр дэвшүүлэхэд баримтлах зарчим

2.1 Нэр дэвшигч нь журамд заасан шалгуурыг бүрэн ханган биелүүлсэн байна.

2.2 Шалгуур нь ойлгомжтой үнэлэлт дүгнэлт өгөхөд боломжтой байх

2.3 Шалгаруулалт ил тод, шударга байх

2.4 Хүндэтгэл шаардлагыг зөв хослуулсан байх

2.5 Нэр дэвшигчийн өөрийн гаргасан амжилтуудыг тодорхой бичих

Гурав. Шалгаруулах үзүүлэлтүүд

3.1 Улс, аймгийн хэмжээнд өөрийн гаргасан амжилтууд /2010 онд/

3.2 Аймгийн массын олимпиадад гаргасан амжилт

3.3 Зааж байгаа бага ангийн хичээлүүдийн стандартын хэрэгжилтүүд /өөрийн ба хөндлөнгийн үнэлгээг харьцуулсан байх ба 90%-аас дээш байх /

3.4 Өөрийгөө хөгжүүлэн мэргэжил боловсролоо дээшлүүлж байгаа байдал

3.5 Аймгийн төрөлжсөн олимпиадад өөрөө болон бэлтгэсэн суралцагчийн гаргасан амжилт / 1-5 дугаар байрт шалгарсан баримт /

3.6 Сургалтын ээлтэй орчин бүрдүүлсэн байдал /ангийн орчны үйл ажиллагааг 6-8 фото зургаар харуулсан байх

3.7 Сургалтын хөтөлбөр боловсруулан сургалтандаа хэрэглээ болгож буй байдал/ 2 нэгж хичээлийн хөтөлбөрийг хавсаргах/

3.8 Эцэг, эхчүүдтэй хэрхэн хамтарч ажилладаг, хүрсэн түвшин/ хүүхдийг хөгжүүлэх, төлөвшүүлэх, хүмүүжүүлэх чиглэлээр/

Дөрөв. Шалгаруулах аргачлал

Бага ангийн мэргэжлийн “Оны шилдэг багш” шалгаруулах журмын дагуу 2010 оны 12 дугаар сарын 25-аас 2011 оны 1 дүгээр сарын 05-ны өдрүүдэд шилдэг багшийн тодорхойлолтыг хүлээн авна. Сургууль, заах аргын нэгдлийн хамт олны тодорхойлолт, хавсралт, материалуудыг БСГ-ын бага боловсролын мэргэжилтэн хүлээн авч, бага ангийн арга зүйн зөвлөлөөр шалгуур тус бүрээр хэлэлцэн шийдвэрлэнэ. Нэр дэвшигч багш шалгуурын дагуу үйл ажиллагаагаа тайлагнана. Арга зүйн зөвлөл шаардлагатай гэж үзвэл сургууль дээр нь очиж дүгнэлт гаргана. Оны шилдэг багшийн тодорхойлолтыг бага ангийн сургалтын менежер болон заах аргын нэгдлийн ахлагч бичиж, хамт олны хурлын тэмдэглэлийг хавсаргасан байх бөгөөд ерөнхий менежер баталгаажуулсан байна.

Монголын багш нарын өдрийг тохиолдуулан бага ангийн мэргэжлийн “ОНЫ ШИЛДЭГ БАГШ”-ийг шалгаруулан урамшуулах ба шалгарсан багшийн үйл ажиллагааг сурталчилж, туршлагыг түгээн дэлгэрүүлнэ.

Арга зүйн зөвлөл

Монголын Математикийн багш нарын академийн сургалт боллоо.

Монголын Математикийн багш нарын академийн сургалтыг Дорнод аймагт 6 дах удаагаа 2010 оны 12 дугаар сарын 10-11, 17-18-ны өдрүүдэд зохион байгууллаа. Энэхүү сургалтад 1-10 дах  жилдээ ажиллаж байгаа бүх бага ангийн багш нарыг хамруулах зорилготой ажиллаж байна. Энэ хичээлийн жилд Хэрлэн сумын 12 сургуульд 70 багш, сумын сургуулиудад 40 багш эхний 10 жилдээ ажиллаж байна. Эхний сургалтад 35 багш, дараагийн сургалтад 35 багш хамрагдаж, 3 дах  удаагийн сургалтад 40 багш хамрагдана. Сумдын багш нарын сургалтыг суралцагчдын амралтаар 2 өдрийн сургалтыг зохион байгуулна. Сургалтын төлбөр 25,0 төгрөг.

2010-2011 оны хичээлийн жилийн DVD сургалтын агуулга:

1. Боловсролын ерөнхий асуудал 4 цаг

2. Сургалтын онол арга зүй 20 цаг

3. Үзүүлэх хичээл 4 цаг

4. Дадлага ажил 4 цаг

Нийт 32 цаг болно.

Энэ хичээлийн жилийн сургалтанд оролцсон ММБА-ын гишүүнд:

· Бага ангийн багш сэтгүүл №1

· Бага ангийн багш сэтгүүл №2

· Өгүүлбэртэй бодлого /нэмэх,хасах/

· Математик сонгон-3

· Кенгеру уралдаан

· Өгүүллэг туужууд

· Математик сонины нэг ангилал тус тус үнэ төлбөргүй олгоно.ММБА-ийн DVD сургалтын хичээлийн хөтөлбөр /Бага ангийн багш/

Д.д	Ангилал	Багш	Хичээлийн нэр	цаг
1	Ерөнхий	Ц.Дэмбэрэл	· Боловсрол хөтөлбөр · Кембрижийн боловсрол	2
2	Ерөнхий	У.Доёд	· Сурах үйлийн баримжаа · Асуудал шийдвэрлэх арга	2
3	Онол арга зүй	Д.Энхцэцэг	· Магадлал статистик айг төлөвшүүлэх · Хичээлийн судалгаа	2
4	Онол арга зүй	О.Чулуунцэцэг	· Геометр айг заах	2
5	Онол арга зүй	Л.Уртнасан	· Аравтын бутархай · Үл мэдэхтэй тоог олох	3
6	Онол арга зүй	Д.Баттогтох	· Монгол бичгийн цагаан толгойг дөхөм аргаар заах арга зүй	2
7	Онол арга зүй	Х.Мөнхжаргал	· 2-р ангийн монгол хэлний сурах бичиг · 2-р ангийн монгол хэлний хөтөлбөр	2
8	Онол арга зүй	Б.Балдулмаа	· 1-3-р ангийн математикийн хичээлийн хөтөлбөр	3
9	Онол арга зүй	Т.Батчимэг	· Хуваагдал, үлдэгдэлтэй хуваах	2
10	Онол арга зүй	Т.Гансүх	· Элдэв бодлогууд	2
11	Онол арга зүй	Ц.Навчаа	· Хичээлд хэрэглэх зарим сургалтын хэрэглэгдхүүн	1
12	Онол арга зүй	Ц.Навчаа	· Тэгшитгэл бодох	1
13	Үзүүлэх хичээл	Г.Ариунтуул	· 1-ийн тоог таниулах 1а анги	1
14	Үзүүлэх хичээл	Мөнхчандмань	· Эхийн бүтэц 4-р анги	1
15	Үзүүлэх хичээл	Ж.Алтанцэцэг	· Цаг /Математик/ 3-р анги	1
16	Үзүүлэх хичээл	Ж.Ганчимэг	· Байгалийн дүрслэл	1
17	Дадлага ажил		Асуудал шийдвэрлэх арга	4

6 дах жилийн сургалтад хамрагдах багш нарын анхааралд